মাজুলীৰ কমলাবাৰী ফেৰী ঘাটকে ধৰি বিভিন্ন অঞ্চলত এতিয়া ক’ভিড মহামাৰীতকৈও অধিক ভয়াৱহ হৈ পৰিছে খহনীয়াৰ প্ৰকোপ।
কেন্দ্ৰীয় সংস্থা ব্ৰহ্মপুত্ৰ ব’ৰ্ডৰ তত্বাৱধানত টি কে কোম্পানীয়ে বিগত বছৰ বছৰ ধৰি খহনীয়া প্ৰতিৰোধৰ নামত মাজুলীৰ এচপৰা মাটিও ৰক্ষা কৰিব নোৱাৰাত দিক বিদিক হেৰুৱাই পেলাইছে জনসাধাৰনে।
মাজুলীত ব্ৰক্ষ্মপুত্ৰই নিতৌ খহাইছে মাজুলীৰ ভূমি৷ নদীৰ পাৰত বসবাস কৰা বহু পৰিয়ালে নদীখনৰ বাবেই আৱাসগৃহ স্থানন্তৰণৰ কৰিলে।
আপোন ঘৰৰ ভেটি এৰি ক’লৈ যাব এই পৰিয়াল সমূহ। চিন্তিত শালমৰাৰ লগতে কমলাবাৰী ফেৰী ঘাট
মাজুলীৰ অতি স্পৰ্শকাতৰ কমলাবাৰী ফেৰী ঘাট, শালমৰা লগতে বহু অঞ্চল এতিয়া অস্তিত্বৰ সংকটত৷
চৰকাৰে কেতিয়া শুনিব মাজুলবাসীৰ বিননি সেয়া হ’ব লক্ষনীয়।
