বাঘজানৰ ২৭ মে’ ২০২০ তাৰিখে তিনিচুকীয়াৰ বাঘজনস্থিত ৫ নং তৈলকূপত অবিৰতভাৱে বিষাক্ত দাহ্য গেছ নিৰ্গত হোৱাৰ পৰিপ্ৰেক্ষিতত ৯ জুন ২০২০ তাৰিখে ভয়ংকৰ অগ্নিকাণ্ডৰ সূত্ৰপাত হৈছিল। ইয়াৰ ফলত ফলত শ শ পৰিয়ালে তেওঁলোকৰ শস্য-পথাৰ, ঘৰ ভেটি হেৰুৱাবলগীয়া হৈছিল।
অগ্নিকাণ্ডৰ পাছত অইল ইণ্ডিয়া লিমিটেডে জন এনাৰ্জী নামৰ গুজৰাটৰ বহুজাতিক প্ৰতিষ্ঠানক নিষিদ্ধ কৰিছিল। কিন্তু পুনৰ জন এনাৰ্জীক বাঘজানত খনিজ তেলৰ দায়িত্ব অৰ্পণ কৰিছে। তাকে লৈ প্ৰতিক্ৰিয়া প্ৰকাশ কৰিছে আলফা স্বাধীনে
আলফা স্বাধীনে এক প্ৰেছ বিবৃতিযোগে অইন ইণ্ডিয়া লিমিটেডৰ এই সিদ্ধান্তৰ বিৰুদ্ধে তীব্ৰ বিৰোধিতা প্ৰকাশ কৰে আৰু অইল ইণ্ডিয়া লিমিটেডক এই সিদ্ধান্ত বাতিল কৰিবলৈ দাবী জনায়। লগতে অইল ইণ্ডিয়া লিমিটেডৰ এনে জনবিৰোধী কাৰ্য্যৰ বিৰুদ্ধে তিনিচুকীয়াৰ ৰাইজক প্ৰবল প্ৰতিৰোধ গঢ়ি তোলাৰ বাবেও প্ৰেছ বিবৃতি যোগে আহ্বান জনায়।
