ৰামদিয়াত পৰম্পৰাগত লাৰু উৎসৱ উদযাপন৷
ৰামদিয়াৰ ঐতিহাসিক পোৰা ভিঠা সত্ৰত লোকে লোকাৰণ্য পৰিবেশ৷ এইবেলি অনুস্থিত হোৱা এই পৰম্পৰাগত লাৰু উৎসৱৰ প্ৰাকক্ষণত ভক্ত প্ৰাণ ৰাইজৰ বাবে প্ৰায় ৬ লাখ ৩০ হাজাৰ লাৰু বনোৱা হৈছে৷
পোৰা ভিঠা সত্ৰৰ ৪২৪ সংখ্যক লাৰু উৎসৱক লৈ ব্যাপক উৎসাহ উদ্দীপনা সমগ্ৰ ৰামদিয়াৰ লগতে হাজো অঞ্চলৰ প্ৰায় ২০ হাজাৰ ভক্তৰ আগমন এই ঐতিহাসিক পোৰাভিঠা সত্ৰৰ লাৰু উৎসৱলৈ৷
শ শ বছৰ ধৰি অনুস্থিত হৈ অহা লাৰু দিয়া উৎসৱত হিন্দু- মুচলমান সকলোৱে লাৰুৰ বাবে চাউল গুৰ আদি সামগ্ৰী প্ৰদান কৰে৷ এই ঐতিহাসিক উৎসৱত লাৰু দিলে মনৰ কামনা পূৰণ হয় বুলি লোক বিশ্বাস আছে৷
এই ব্যতিক্ৰমী উৎসৱত হাজাৰ হাজাৰ ভক্তৰ ভিৰ৷। ১৮৭ কুইন্টল চাউল আৰু প্ৰায় এশ কুইন্টল গুড় লাড়ুৰ বাবে আগবঢ়াই অসমৰ ভিন্ন প্ৰান্তৰ ভক্তৰ লগতে পশ্চিমবংগৰ কেইবাগৰাকী ভক্তই।এই লাড়ু উৎসৱে বিভিন্ন ধৰ্মাম্বলম্বী লোকৰ মাজত ঐক্যৰ এনাজড়ী ডাল সুদৃঢ় কৰি ৰাখিছে৷।
