অসমদুৰ্ঘটনা

বছৰৰ পহিলা দিনটোতে বন্যহস্তীৰ কৰুণ মৃত্যু, ৰে’লে মহটিয়ালে মাখুন্দীক…

খাদ্যৰ সন্ধানত পাহাৰৰ পৰা নামি অহা বন্যহস্তীৰ এটা সৰু জাকে দীৰ্ঘদিন ধৰি চামগুৰিৰ অঞ্চলত চলাই আহিছিল উপদ্ৰৱ।

বছৰৰ পহিলা দিনটোতে এক শোকাৱহ ঘটনা। ৰে’লৰ প্ৰচণ্ড খুন্দাত মৃত্যু বন্যহস্তীৰ। নগাঁও জিলাৰ চামগুৰি সমষ্টিৰ তথা শালনা বনাঞ্চলিক কাৰ্য্যালয়ৰ অন্তৰ্গত শিঙিয়া ফুকনখাট বৰপুলৰ কাষত নৱবৰ্ষৰ পহিলা দিনটোতে সংঘটিত হয় এই কৰুণ ঘটনা৷

খাদ্যৰ সন্ধানত পাহাৰৰ পৰা নামি অহা বন্যহস্তীৰ এটা সৰু জাকে দীৰ্ঘদিন ধৰি চামগুৰিৰ অঞ্চলত চলাই আহিছিল উপদ্ৰৱ।  শনিবাৰে নিশা গুৱাহাটী-শিলঘাট অভিমুখী দ্ৰুতবেগী ৰে’লখনে মহটিয়াই নিয়ে বন্যহস্তীৰ জাকটোৰ এজনী বন্যহস্তীক। যদিও দুৰ্ঘটনা সংঘটিত হৈ হাতীটোৰ কৰুণ মৃ্ত্যু হয়, তথাপি এই ঘটনাক সহজতে মানি ল’ব পৰা নাই অঞ্চলবাসীয়ে৷

বন বিভাগে হাতীকেইটাৰ পৰা বৃহত্তৰ অঞ্চলবাসীক সুৰক্ষা দিব নোৱাৰাৰ বাবে ক্ষোভ উজাৰে স্থানীয় ৰাইজে। আনফালে বনকৰ্মীসকলৰ মন্তব্য অনুসৰি বন্যহস্তীৰ বিচৰণ ভূমি চামগুৰি অঞ্চলটোত চালকক তীব্ৰ গতিবেগ নিয়ন্ত্ৰণ কৰিবলৈ বনবিভাগে বাৰম্বাৰ কোৱাৰ পাছতো গুৰুত্ব প্ৰদান নকৰাৰ বাবে এনে দুৰ্ঘটনা সংঘটিত হ’ল৷

সম্পৰ্কিত প্ৰবন্ধসমূহ

প্ৰত্যুত্তৰ দিয়ক

আপোনৰ ইমেইল ঠিকনা প্ৰকাশ কৰা নহ'ব । প্ৰয়োজনীয় ক্ষেত্ৰসমূহত *এৰে চিন দিয়া হৈছে

eleven − ten =

লগতে পৰীক্ষা কৰক
Close
Back to top button