হৃদয়বিদাৰক; বিদ্যুৎ পৰিবাহী তাঁৰত লাগি মৃত্যু এটা বনৰীয়া হাতীৰ!

তিনিচুকীয়া জিলাৰ পেঙেৰী থানাৰ অন্তৰ্গত খামন পথাৰত সংঘটিত হৈছে এই হৃদয়বিদাৰক ঘটনাটো। বিদ্যুৎ পৰিবাহী তাঁৰত লাগি হাতীটোৰ মৃত্যু হোৱাৰ সন্দেহ স্থানীয় লোকৰ। ইতিমধ্যে ঘটনাস্থলীত মাৰ্ঘেৰিটা বন বিভাগৰ লোক উপস্থিত হৈ অব্যাহত ৰাখিছে ঘটনাৰ তদন্ত।

উল্লেখ্য যে ইয়াৰ পূৰ্বেও মাৰ্ঘেৰিটা সমষ্টিৰ বিভিন্ন অঞ্চলত কেইবাটাও  বনৰীয়া হাতীয়ে এনেদৰে বিদ্যুৎ পৰিবাহী তাঁ‌ৰত লাগি কৰুণ মৃত্যুক সাৱটি লবলগীয়া হৈছিল। খাদ্যৰ সন্ধানত নিশা জনাঞ্চললৈ ওলাই আহিছিল বনৰীয়া হাতীটো। ইপিনে বিদ্যুৎ বিভাগৰ গাফিলতি তথা কাণ্ডজ্ঞানহীনতাৰ বাবেই এই ঘটনা সংঘটিত হোৱাৰ গুৰুতৰ অভিযোগ স্থানীয় ৰাইজৰ।