সমগ্ৰ ৰাজ্য জুৰি ড্ৰাগছৰ বিৰুদ্ধে আৰক্ষীয়ে তীব্ৰ অভিযান অব্যাহত ৰখাৰ সময়তে গোসাইগাঁও আৰক্ষীয়ে জব্দ কৰিছে আন এক নিচাযুক্ত সামগ্ৰী। মহকুমাৰ অসম-বংগ সীমান্তৰ শিমুলটাপু আৰক্ষী চকীৰ আৰক্ষীয়ে অভিযান চলাই জব্দ কৰে বৃহৎ পৰিমাণৰ আফিং।
এখন ট্ৰাকত লুকুৱাই অনা অৱস্থাত বৃহৎ পৰিমাণৰ আফিং উদ্ধাৰ কৰে আৰক্ষীয়ে। আৰক্ষীৰ সূত্ৰই সদৰী কৰা মতে শিমুলটাপু আৰক্ষী চকীৰ আৰক্ষীয়ে ৰাষ্ট্ৰীয় ঘাইপথত নিয়মীয়া তালাচী চলাই থকা অৱস্থাত এখন ট্ৰাকত উদ্ধাৰ কৰে আফিংখিনি।
ট্ৰাকখনৰ তেলৰ টেংকিৰ তলত লুকুৱাই লৈ অহা ২০ পেকেট আফিং উদ্ধাৰ কৰে যদিও ট্ৰাকৰ চালক-খালাচীসকলে ছেগ বুজি পলায়ন কৰে। জব্দকৃত আফিঙৰ মূল্য প্ৰায় ৫০ লক্ষাধিক টকা হ’ব বুলি অনুমান কৰা হৈছে।
