দুদিনৰ পুৰ্বে গুৱাহাটী মহানগৰীত সংঘটিত হৈছিল এক ভয়ংকৰ পথ দুৰ্ঘটনা।
সুৰামত্ত যুৱতীগৰাকীৰ বাহনে মহতিয়াই নিছিল নিশাৰ ৰাজপথত কৰ্মৰত লোকনিৰ্মাণ বিভাগৰ ৯ জনকৈ শ্ৰমিকক।।
এই দুৰ্ঘটনাত পথত কাম কৰি থকা ৯ জন শ্ৰমিকক মহতিয়াই নিয়ে ৰাজকন্যা বৰুৱা নামৰ যুৱতী গৰাকীয়ে। ইয়াৰ পিছতে আটাই কেইজনক হস্পাতালত ভৰ্তি কৰোৱা হয়।
যুৱতী গৰাকীয়ে সংঘটিত কৰা দুৰ্ঘটনাত দুয়োখন ভৰি হেৰুৱাবলগীয়া হয় যোচেফ নামৰ এজন শ্ৰমিকে। তাৰ । আৰু এই পৰ্যন্ত চেতনা ঘূৰি নহা যোচেফৰ। তাৰোপৰি ঘটনাস্থলিতে এখন ভৰি হেৰুৱাই এজন শ্ৰমিকে।
নিশাই দিছপুৰ আৰক্ষীয়ে আটক কৰিছে সুৰামত্ত যুৱতী গৰাকীক। কিন্তু ঘটনাৰ ১ দিন পিছতেই জামিন লাভ কৰিছিল ৰাজকন্যা বৰুৱাই।
এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই আজি তদন্ত ঘোষণা কৰিছে। তাৰ লগতে ৰাজকন্যাক জামিনৰ সুযোগ দিয়া আৰক্ষীৰ বিৰুদ্ধেও তদন্তৰ ঘোষণা মুখ্যমন্ত্ৰীগৰাকীৰ।
