নাৰকীয়! গৰ্ভৱতী পত্নীক হত্যা নিচাসক্ত স্বামীৰ
চাপৰত লোমহৰ্ষক হত্যাকাণ্ডৰ ঘটনা৷ হত্যা কৰি আত্মহত্যাৰ ৰূপ দিয়াৰ চেষ্টা স্বামীৰ৷ দীৰ্ঘদিনৰ পৰা পত্নীক অত্যাচাৰ চলাই আহিছিল স্বামী ৰবিউলে৷
নিশা নিচাসক্ত অৱস্থাত নিৰ্মমভাৱে প্ৰহাৰ কৰে গৰ্ভৱতী পত্নীক, তাৰ পিছতেই মৃত্যুক সাৱটি লৈ পত্নী ৰেহেনা খাতুনে৷ দুটি সন্তানৰ মাতৃ ৰেহেনা খাতুন৷ ঘটনা সন্দৰ্ভত স্থানীয়লোকৰ ভাষ্য অনুসৰি বুধবাৰৰ দিনা বোৱাৰীগৰাকীক হত্যা কৰি নাটকীয়ভাৱে পৰিয়ালৰলোকে আত্মহত্যাৰ ৰূপ দিয়াৰ চেষ্টা কৰে।
শালকোচাত নিশা ঘটনাস্থলীত উপস্থিত হয় আৰক্ষী৷ স্বামী ৰবিউলক আটক কৰাৰ উপৰিও মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰীলৈ প্ৰেৰণ কৰে। ঘটনাক কেন্দ্ৰ কৰি সমগ্ৰ অঞ্চলটোত তীব্ৰ চাঞ্চল্য।
