City newsInternationalInternationalleatest updatenatural disasteruniversআন্তঃৰাষ্ট্ৰীয়চীনদুৰ্ঘটনাদৈনিক বাতৰিপৰিৱেশপ্ৰাকৃতিক দুৰ্যোগবিশ্ব

চীনত ভয়ংকৰ ভূমিস্খলনঃ মৃত্যু হৈছে ৭ জন লোক, ৪০ জনৰো অধিক নিৰুদ্দেশ

চীনৰ ৰাষ্ট্ৰপতি ঝি জিনপিঙে ভূমিস্খলনত নিৰুদ্দেশ হোৱা লোকসকল উদ্ধাৰৰ বাবে অনুসন্ধান তথা উদ্ধাৰ অভিযান ক্ষিপ্ৰতৰ কৰি তুলিবলৈ নিৰ্দেশ দিয়ে।

দক্ষিণ-পশ্চিম চীনৰ পাহাৰীয়া য়ুনান প্ৰদেশত ২২ জানুৱাৰীত এক ভয়াবহ ভূমিস্খলন সংগঠিত হয়।
চৰকাৰী সংবাদ সংস্থা ছিনহুয়াই প্ৰকাশ কৰা মতে, বেইজিঙৰ সময় অনুসৰি পুৱা ৫:৫১ বজাত ঝাওটং চহৰৰ লিয়াংছুই অঞ্চলত এই দুৰ্যোগৰ সৃষ্টি হয়।

ভূমিস্খলনত ৭ জন লোকৰ মৃত্যু হোৱা বুলি নিশ্চিত হোৱাৰ লগতে আন ৪০ জনৰো অধিক লোক নিৰুদ্দেশ হোৱা বুলি প্ৰতিবেদনত উল্লেখ কৰা হৈছে।

উদ্ধাৰকাৰী বিষয়াসকলে নিৰুদ্দিষ্ট লোকসকল ১৮টা ভিন্ন পৰিয়ালৰ বুলি জানিবলৈ দিয়ে। ক্ষতিগ্ৰস্ত অঞ্চলসমূহৰ পৰা ৫০০ৰো অধিক বাসিন্দাক উলিয়াই অনা হয় বুলিও তেওঁলোকে সদৰী কৰে।

আবদ্ধ হৈ থকা লোকসকলক উদ্ধাৰৰ বাবে প্ৰচেষ্টা অব্যাহত আছে বুলি চৰকাৰী সংবাদ মাধ্যমে প্ৰকাশ কৰিছে।
প্ৰকাশিত খবৰ অনুসৰি, এখন ড্ৰোন আৰু ১২০খন বাহনেৰে সজ্জিত মুঠ ৭৯৫ জন উদ্ধাৰ কৰ্মীয়ে ক্ষতিগ্ৰস্ত অঞ্চলসমূহ উদ্ধাৰ অভিযান অব্যাহত ৰাখিছে।

চীনৰ ৰাষ্ট্ৰপতি ঝি জিনপিঙে ভূমিস্খলনত নিৰুদ্দেশ হোৱা লোকসকল উদ্ধাৰৰ বাবে অনুসন্ধান তথা উদ্ধাৰ অভিযান ক্ষিপ্ৰতৰ কৰি তুলিবলৈ নিৰ্দেশ দিয়ে।

Related Articles

প্ৰত্যুত্তৰ দিয়ক

আপোনৰ ইমেইল ঠিকনাটো প্ৰকাশ কৰা নহ’ব। প্ৰয়োজনীয় ক্ষেত্ৰকেইটাত * চিন দিয়া হৈছে

5 × 3 =

Back to top button