অসমীয়াৰ বাবে পুণৰ গৌৰব। অসমীয়া চলচ্চিত্ৰ জগতৰ বাবে আহিল এটা ভাল খবৰ।
ৰাষ্ট্রসংঘৰ ইউনেস্ক’ৰ ছবি মহোৎসৱলৈ নিৰ্বাচিত হ’ল ৰাজেন দাস পৰিচালিত ‘লাইফ ইন এ পাপেট’ নামৰ অসমীয়া চলচ্চিত্ৰখন।
১৭ জুলাইৰ পৰা ২১ জুলাইলৈ আয়োজিত এই গুৰত্বপূৰ্ণ চলচ্চিত্ৰ মহোৎসৱত আন্তঃৰাষ্ট্ৰীয় জনপ্ৰিয় অ’টি টি প্লেটফৰ্ম ’মুভীচেইন্ট’যোগে বিশ্বজুৰি প্ৰদৰ্শনৰ বাবে অসমীয়া চলচ্চিত্ৰ ‘লাইফ ইন এ পাপেট’ মনোনীত কৰা হৈছে। মহোৎসৱৰ সময়ছোৱাত অগণন চলচ্চিত্ৰ প্ৰেমীয়ে বিশ্বজুৰি প্ৰত্যক্ষ কৰিব অসমীয়া চলচ্চিত্ৰ ‘লাইফ ইন এ পাপেট’ ৷
অসমীয়া লোকশিল্প পুতলা নাচক লৈ নিৰ্মাণ কৰা হৈছে ’লাইফ ইন এ পাপেট’ চলচ্চিত্ৰখন। এইয়া নিঃসন্দেহে অসমবাসীৰ বাবে এক গৌৰৱৰ বিষয়৷
