অসমত আনুষ্ঠানিক নিৰ্বাচনী ৰণশিঙা বজালে বিজেপিৰ ৰাষ্ট্ৰীয় নেতৃত্বই।
২০২৪ চনতো বিজেপিয়েই পুনৰ দিল্লী দখল কৰিব বুলি নাড্ডাৰ ঘোষণা।
![অসমত আনুষ্ঠানিক নিৰ্বাচনী ৰণশিঙা বজালে বিজেপিৰ ৰাষ্ট্ৰীয় নেতৃত্বই। অসমত আনুষ্ঠানিক নিৰ্বাচনী ৰণশিঙা বজালে বিজেপিৰ ৰাষ্ট্ৰীয় নেতৃত্বই।](https://prathamkhabartv.com/wp-content/uploads/2023/06/Jp-nadda-780x470.jpg)
২০২৪ চনৰ লোকসভা নিৰ্বাচনৰ বাবে অসমত আনুষ্ঠানিক নিৰ্বাচনী ৰণশিঙা বজালে বিজেপিৰ ৰাষ্ট্ৰীয় নেতৃত্বই। দেওবাৰে শিৱসাগৰ জিলাৰ জাঁজীৰ জকাইচুকত এক জনসভাত অংশগ্ৰহণ কৰে বিজেপিৰ ৰাষ্ট্ৰীয় সভাপতি জগৎ প্ৰসাদ নাড্ডাই।
নিজৰ ভাষণত বিজেপি চৰকাৰৰ বিভিন্ন উন্নয়নমূলক আঁচনিৰ বিষয়ে উল্লেখ কৰাৰ লগতে বিজেপিয়ে ভাৰতক নতুন পৰিচয় দিয়া বুলি মন্তব্য কৰে নাড্ডাই। ২০২৪ চনতো বিজেপিয়েই পুনৰ দিল্লী দখল কৰিব বুলি নাড্ডাৰ ঘোষণা। এই সভাত বিজেপিৰ ৰাজ্যিক সভাপতি ভৱেশ কলিতা, যোৰহাটৰ সাংসদ তপন গগৈকে আদি কৰি বহুকেইগৰাকী মন্ত্ৰী-বিধায়কে অংশগ্ৰহণ কৰে।