মহানগৰীৰ সৰুসজাইত সংঘটিত এক ভয়াবহ দুৰ্ঘটনাত এগৰাকী মহিলা থিতাতে নিহত হোৱাৰ লগতে আন এজন গুৰুতৰভাৱে আহত হয়।
দুৰ্ঘটনাটোত মৃত্যু হোৱা মহিলা গৰাকী নুনমাটিৰ ৰুনু দাস বুলি চিনাক্ত কৰা হৈছে।
খানাপাৰাৰ পৰা একে দিশেৰে লখৰা অভিমুখে আহি থকা এ এছ ০২ এ চি ৭৬৬২ নম্বৰৰ এখন ট্ৰাকে এ এছ ০১ ই ডব্লিউ ৬৮১৩ নম্বৰৰ এখন বাইকক মহতিয়াই নিয়ে।
সৰুসজাইত দুৰ্ঘটনাত পতিত হোৱা বাইকখন উদ্ধাৰ হয় ট্ৰাকসহ প্ৰায় এক কিলোমিটাৰ দূৰৈৰ লখৰাত। বাইকখন ট্ৰাকৰ তলত থকা অৱস্থাত উদ্ধাৰ কৰা হয়।
দুৰ্ঘটনাটো ইমানেই ভয়ংকৰ আছিল তাৰ যে প্ৰাণ হেৰুওৱা মহিলা গৰাকীৰ মুণ্ড ছিন্ন অৱস্থাত পৰি আছিল ৰাষ্ট্ৰীয় ঘাইপথত।
আনহাতে গুৰুতৰভাবে আঘাতপ্ৰাপ্ত যুৱকজনক তাৎক্ষনিকভাৱে গুৱাহাটী মেডিকেল কলেজ হাস্পতালত ভৰ্তি কৰোৱা হয়।
উল্লেখ্য় যে, দুৰ্ঘটনা সংঘটিত কৰা ট্ৰাকখনৰ চালক ৰফিকুল ইছলামক আটক কৰিছে গড়চুক আৰক্ষীয়ে।
