প্ৰজ্ঞানে তুলিলে বিক্ৰমৰ প্ৰথমখন ফটো।

চন্দ্ৰৰ দক্ষিণ মেৰুত ব্যস্ত ৰ’ভাৰ প্ৰজ্ঞান। ইতিমধ্যে দক্ষিণ মেৰুৰ পৰা প্ৰজ্ঞানে পৃথিৱীলৈ বহুতো ফ’টো/তথ্য প্ৰেৰণ কৰিছে। ইয়াৰ মাজতে আজি পুৱা ৰ’ভাৰ প্ৰজ্ঞানে প্ৰথমখন ফটো তুলিলে বিক্ৰম লেণ্ডাৰৰ। ISROয়ে নিজৰ টুইটাৰত এই ফটোখন শ্বেয়াৰ কৰিছে। ইছৰোৱে টুইটত লিখিছে, Smile, please📸!

এই ফটো ৰ’ভাৰে নেভিগেচন কেমেৰাৰে (NavCam) লৈছে। চন্দ্ৰযান–৩ মিছনৰ বাবে নেভকেমক লেব’ৰেটৰী ফৰ ইলেকট্ৰ’–অপ্টিক্স ছিষ্টেম (LEOS)–এ বনাইছে। প্ৰজ্ঞান ৰ’ভাৰত এফালে দুটা নেভকেম সংলগ্ন কৰা হৈছে।