অসমত বিগত কিছুদিনৰ পৰা সংহাৰী ৰূপ ধাৰণ কৰিছে জাপানীজ এনকেফেলাইটিছে। বিগত ৩৭ দিনত ৰাজ্যখনত এই ৰোগত আক্ৰান্ত হৈ ৩৬ গৰাকীয়ে মৃত্যুমুখত পৰিছে। শনিবাৰৰ দিনলৈ এই ৰোগত ৩৪৭ গৰাকী লোক আক্ৰান্ত হৈ চিকিৎসাধীন হৈ আছে।
নগাওঁত শনিবাৰে ৩ গৰাকী লোকৰ মৃত্যু হোৱাৰ লগতে ডিব্ৰুগড়, কামৰূপ মেট্ৰ’ আৰু কাছাৰকে ধৰি ১০ জিলাত সংক্ৰমণৰ হাৰ বৃদ্ধি পাইছে।
ৰাষ্ট্ৰীয় স্বাস্থ্য অভিযানৰ তথ্য অনুসৰি, ৩৫ খন জিলাৰ ভিতৰত ২২ খন জিলাত এই ৰোগত আক্ৰান্ত হৈ ৬৩ গৰাকী লোক মৃত্যুমুখত পৰিছে। বিগত বৰ্ষত এই ৰোগত আক্ৰান্ত হৈ ৪০ গৰাকী লোক মৃত্যুমুখত পৰিছিল।
