হিমাংশু দাসৰ বুলু ফিল্মত আচলতে দেখুৱাব কি?
বৰ্তমান চৰ্চাত হিমাংশু প্ৰসাদ দাসৰ চেপ্তেবৰত মুকলি হ’বলগীয়া ছবি বুলু ফিল্ম৷ ছবিখনৰ প্ৰচাৰৰ সময়ছোৱাতে ছবিখনৰ নামটোৰ বাবে বিশেষকৈ চৰ্চাত ছবিখন৷
সকলোৰে মনত এটায়ে কৌতুহল যে দেখুওৱা কি হ’ব ছবিখনত? ইতিমধ্যেই ছবিখনৰ এখন ফটো সামাজিক মাধ্যমত আপলোড হোৱাৰে পৰা সকলোৰে মাজত সৃষ্টি হৈছে প্ৰতিক্ৰিয়াৰ৷
বুলু ফিল্মৰ কাহিনীত আচলতে থাকিব কি?
লকডাউনৰ ওপৰত আধাৰিত এই বুলু ফিল্ম৷ লকডাউনৰ সময়ত অধিকাংশ লোকেই নিজৰ কৰ্ম সংস্থাপন হেৰুৱাব লগীয়া হৈছিল৷ যাৰ বাবে মানসিক হাৰাশাস্তিত ভুগিছিল বহুতো লোক৷ সংস্থাপন হেৰুৱাৰ পৰা পৰিয়াল পোহপাল দিয়াটো সমস্যাৰ সন্মুখীন হৈছিল বহু লোক৷
সেয়েহে অভাৱ দূৰ কৰিবলৈ বিভিন্ন পন্থা হাতত লৈছিল এখন গাঁৱৰ যুৱকসকলে৷ সেই পন্থাৰ ভিতৰতে আছিল বুলু ফিল্ম বনাই সামাজিক মাধ্যমত আপলোড দি ধন ঘটাৰ৷ কিন্তু তাৰ পিছত এক অদ্ভুত বাস্তৱৰ সন্মুখীন হ’ল সেইসকল যুৱক৷ তেনে এক কাহিনীৰ ভিত্তিতেই নিৰ্মাণ কৰা হৈছে হিমাংশু প্ৰসাদ দাসৰ বুলু ফিল্ম৷
