“ঔটেঙা, টেকীয়া,পুঠি মাছৰ জোল,
খালেহে গম পাবা সোৱাদৰে মূল”
উক্ত বাক্য কেইশাৰী শুনিছে নিশ্চয়। ঔটেঙাৰ কথা ওলালেই আমাৰ সকলোৰে জিভাৰ পানী পৰিবলৈ ধৰে । ঔটেঙা হ’ল এনে এবিধ টেঙা সোৱাদযুক্ত ফল বা পাচলি, যাক নোখোৱা মানুহ হয়তো খুব কমেই ওলাব । ঔটেঙাৰ বৈজ্ঞানিক নাম ‘Dillenia Indica’।
অসমীয়া খাদ্য সংস্কৃতিত ঔটেঙাৰ এক বিশেষ স্থান আছে । ইয়াক প্ৰধানকৈ গৰমৰ দিনত দাইল বা অন্য় তৰকাৰীত ব্যৱহাৰ কৰি খোৱা হয়। বিশেষকৈ আমাৰ অসমীয়া জুতিত বিভিন্ন সৰু- ডাঙৰ মাছৰ লগত তৰকাৰী কৰি খোৱা হয়। এনে ধৰণৰ বিভিন্ন প্ৰকাৰৰ ব্যঞ্জনত ঔটেঙাৰ প্ৰয়োগে ইয়াৰ সোৱাদ দুগুণে বৃদ্ধি কৰি তুলে।
ঔটেঙাৰ ঔষধি গুণাগুণ কি?
পাচনতন্ত্র সুস্থ ৰখাৰ ক্ষেত্ৰত ই এক প্ৰভাৱশালী ঔষধ । ঔটেঙাত কম বেছি পৰিমাণে প্ৰটিন,আঁহ, চৰ্বি,ফাইবাৰ, লছিয়াম,ফছফৰাছ ৰু এচক’ৰবিক এচিড পোৱা যায় । টেঙা খালে পেট পৰিষ্কাৰ হয়, যাৰ দ্বাৰা অজীৰ্ণ, কোষ্ঠকাঠিন্য আদি পেটৰ বিকাৰসমূহৰ পৰা হাত হাৰি থাকিব পাৰি ।
ঔটেঙাৰ বীজলেৰে চুলি ধুলে মূৰৰ উফিৰ পৰা হাত সাৰিব পাৰি। লগতে চুলিৰ উজ্জলতাও বৃদ্ধি কৰে।
