এসপ্তাহ ধৰি এইদৰেই দেওপানী নৈৰ পাৰত ৰৈ আছে এটা মৰম লগা কুকুৰ। যোৱা ২৩ আগষ্ট তাৰিখে এখন ওলমা দলঙৰে দেওপানী নৈ পাৰ হৈ আহিছিল এই কুকুৰটোৱে।
কিন্তু দুৰ্ভাগ্যবশত সেই দিনাই দেওপানী নৈৰ প্ৰচণ্ড ধলে উটুৱাই লৈ গৈছিল দলং খন। তাৰ পাছৰে পৰা দেওপানী নৈৰ পাৰত বহি এইদৰেই চাই আছে আপোন গাওঁখনলৈ।
দেওপানী নৈৰ পাৰত ৰৈ থকা এই মৰম লগা কুকুৰটো উভতি যাব পৰা নাই নিজৰ গাওঁখনলৈ। কাৰণ এটাই কুকুৰটোৰ এখন ভৰি নাই। এটা ভৰি নথকাৰ বাবে পানীৰ মাজেৰে সাঁতুৰি যাব নোৱাৰে কুকুৰটোৱে। যাৰ ফলত অসহায়ৰূপে নৈৰ পাৰত ৰৈ আছে কুকুৰটো।
এই দৃশ্য কাৰ্বি আংলং নগাঁও জিলাৰ সীমামূৰীয়া কাৰ্বিআংলং জিলাৰ ছ’চেনধেন্টা পৰিষদীয় সমষ্টিৰ।
