ভাৰত পালে অতি শক্তিশালী ক’ভিড ভেৰিয়েন্ট অ’মিক্ৰণ (Omicron)।
ইতিমধ্যে কৰ্ণাটকত দুজন লোকৰ দেহত ধৰা পৰিছে অ’মিক্ৰণ ভেৰিয়েণ্টৰ সংক্ৰমণ। তাৰ পাছতে অধিক সতৰ্ক হৈ পৰিছে কেন্দ্ৰীয় চৰকাৰ। বাতিল কৰা হৈছে আন্তঃৰ্জাতিক বিমান সেৱাসমূহ।
শুকুৰবাৰে ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ অধ্যক্ষতাত কেবিনেট বৈঠক অনুষ্ঠিত হয়। বৈঠকখনত স্বাস্থ্যমন্ত্ৰী কেশৱ মহন্তই অ’মিক্ৰণ ভেৰিয়েণ্টেক লৈ কয় যে, সংক্ৰমণৰ পৰা ৰাজ্যবাসীক আঁতৰাই ৰাখিবলৈ শীঘ্ৰে ৰাজ্য চৰকাৰে জাৰি কৰিব নতুন SOP।
তাৰ লগতে গুৱাহাটী মেডিকেল কলেজৰ অধীক্ষক ডা০ অভিজিত শৰ্মাই এইবাৰ ৰাজ্যবাসীক পিকনিকলৈ নাযাবলৈ আৰু জন সমাগম নকৰিবলৈ আহ্বান জনাইছে।
