সুস্থ হৈ ঘৰলৈ উভতিল বৰপেটা সত্ৰৰ বুঢ়া সত্ৰীয়া বশিষ্ঠ দেৱ শৰ্মা। বুধবাৰে, ৰিলিজ দিয়া হ’ল সত্ৰাধিকাৰগৰাকীক। শাৰীৰিকভাৱে অসুস্থ হৈ GMCHত চিকিৎসাধীন হৈ আছিল বুঢ়া সত্ৰাধিকাৰগৰাকী।
বিগত ৯টা দিনে GMCHত ভৰ্তি হৈ থকা সত্ৰাধিকাৰগৰাকীক বৰপেটাৰ হাস্পতালৰ পৰা উন্নত চিকিৎসাৰ বাবে প্ৰেৰণ কৰা হৈছিল GMCHলৈ। বুধবাৰে, ৰিলিজ দিয়াৰ পিছত সত্ৰাধিকাৰগৰাকীৰ আশুআৰোগ্য কামনা কৰাসকললৈ আশীৰ্বাদ দিয়ে বশিষ্ঠ দেৱ শৰ্মাই। লগতে, GMCH কৰ্তৃপক্ষকো কৃতজ্ঞতা জ্ঞাপন কৰিলে বুঢ়া সত্ৰীয়াগৰাকীয়ে।
