লখিমপুৰ স্বাস্থ্য বিভাগৰ পয়ালগা অৱস্থা।
চিকিৎসক নথকা বাবেই মৃত্যুক আকোঁৱালি ল’লে এটি নৱজাতকে।
লখিমপুৰ পানীগাঁও অতিৰিক্ত চিকিৎসালয়ত সংঘটিত হৈছে এই ঘটনা।
ঘটনা সংঘটিত হোৱা প্ৰায় ৫ ঘণ্টা পিছত ৰাতি ১ বজাত চিকিৎসক গৰাকী আহি উপস্থিত হয় চিকিৎসালয়ত।
উল্লেখ্য যে মৰনৈ আদৰ্শ গাৱঁৰ বিউটি গুৱলা নামৰ এগৰাৰী প্ৰসূতিক সন্ধ্যা ৬.৩০ বজাত পানীগাঁও অতিৰিক্ত চিকিৎসালয়ত পৰিয়ালৰ লোকে ভৰ্তি কৰায় ৷
প্ৰসূতি গৰাকীক ভৰ্তি হোৱা লগে লগে চিকিৎসালয় খনৰ দ্বায়িত্বত থকা চিকিৎসক গৰাকীক খবৰ দিয়ে যদিও চিকিৎসক গৰাকী উপস্থিত নহ’ল ৷
বাৰম্বাৰ ফোন কৰা পিছতো চিকিৎসক গৰাকীৰ উপস্থিত নোহোৱাত কতব্য ৰত এগৰাকী জি এন এমে প্ৰসৱ কৰা সম্পূৰ্ণ। দাৰিত্ব লৈয় যদিও কোনো উন্নত সা সমজান নথকাত নৱজাত শিশুটো মৃত্যু হয় ৷
কেৱল টাৰ্গেট ফিলাপ কৰিবৰ বাবেই প্ৰসূতি গৰাকীক লখিমপুৰ চিকিৎসা মহাবিদ্যালয়লৈ প্ৰেৰণ নকৰিলে ৷
পৰিয়ালৰ লোকে বাৰম্বাৰ উন্নত চিকিৎসা বাবে লখিমপুৰ মেডিকেল কলেজলৈ নিম বুলি কৈছিল।
আত্মীয়ই কয়,- “চিকিৎসালয় খনৰ চিকিৎসক আৰু নাৰ্ছৰ গাফিলতি বাবেই নৱজাত শিশুটো হেৰুৱালে৷ সেইয়ে ইয়াৰ এটি উচিত তদন্ত বিচাৰে পৰিয়ালৰ লগতে স্থানীয় ৰাইজে। ঘটনা সংঘটিত হোৱা প্ৰায় ৫ ঘণ্টা পিছত ৰাতি ১বজাত চিকিৎসক গৰিকীৰ আহি উপস্থিত হয় চিকিৎসালত।”
