কটনৰ ছাত্ৰীৰ চৰম সিদ্ধান্তক লৈ চাঞ্চল্য

কটনৰ ছাত্ৰীৰ চৰম সিদ্ধান্তক লৈ চাঞ্চল্যই বিৰাজ কৰিছে কটন কলেজৰ ছাত্ৰীৰ মাজত । উজান বজাৰৰ প্ৰণলয়া পি জিত আত্মহননৰ চেষ্টা এগৰাকী ছাত্ৰীৰ । উচ্চতৰ মাধ্যমিকৰ প্ৰথম বৰ্ষৰ ছাত্ৰী গৰাকীৰ নাম কালিনা বৰুৱা । পি জিৰ দ্বিতীয় মহলাৰ পৰা জপিয়াই আহত হৈছিল কালিনা । মঙলবাৰে পুৱা ৯.৩০ বজাত সংঘটিত হৈছিল এই চাঞ্চল্যকৰ ঘটনাটো । সংকটজনক অৱস্থাত ভৰ্তি কৰোৱা হৈছিল চিকিৎসালয়ত ছাত্ৰীগৰাকীক । অৱশেষত চিকিৎসালয়ত মৃত্যু হৈছে কালিনা বৰুৱাৰ । কালিনা বৰুৱাৰ ঘৰ মঙলদৈত । বিহুৰ কাৰণে পিতৃয়ে ঘৰলৈ নিবলৈ আহিছিল ছাত্ৰীগৰাকীক কিন্তু বাটতে পিতৃয়ে লাভ কৰে ছাত্ৰীগৰাকীৰ আত্মহননৰ খবৰ । বৰ্তমানেও দাখিল কৰা নাই পৰিয়ালৰ লোকে এজাহাৰ ।
আৰক্ষীয়ে ম’বাইল,এখন ডায়েৰী জব্দ কৰি আৰম্ভ কৰিছে তদন্ত ।