দুদিনৰ বাবে বন্ধ থাকিব বেংক, ব্যক্তিগতকৰণৰ বিৰুদ্ধে ধৰ্মঘট বেংকৰ কৰ্মচাৰীৰ

বেংক কৰ্মচাৰীৰ ৯ টা সংগঠনৰ শীৰ্ষ সংস্থা ইউনাইটেড ফ’ৰাম অফ বেংক ইউনিয়নে ১৬ আৰু ১৭ ডিচেম্বৰ, ২০২১ তাৰিখে দুদিনীয়া ধৰ্মঘট ঘোষণা কৰিছে।

১৬ আৰু ১৭ ডিচেম্বৰ ২০২১ তাৰিখে ইউনাইটেড ফ’ৰামে দেশজুৰি ধৰ্মঘটৰ আহ্বান জনাইছে।

উল্লেখ কৰিব পাৰি যে দুটা ৰাজহুৱা খণ্ডৰ বেংকৰ প্ৰস্তাৱিত ব্যক্তিগতকৰণৰ বিৰুদ্ধে ধৰ্মঘট ঘোষণা কৰিছে। ভাৰতীয় ষ্টেট বেংককে ধৰি দেশৰ সকলো বেংক আজি আৰু কাইলৈ বন্ধ ৰখা হ’ব।

আনহাতে, বিত্ত মন্ত্ৰী নিৰ্মলা সীতাৰমণে ২০২১-২২ বিত্তীয় বৰ্ষৰ বাজেট উপস্থাপন কৰাৰ সময়ত ১.৭৫ লাখ কোটি টকা সংগ্ৰহৰ বিনিয়োগৰ লক্ষ্যৰ অধীনত দুটা ৰাজহুৱা খণ্ডৰ বেংকৰ ব্যক্তিগতকৰণৰ কথা ঘোষণা কৰিছিল। চৰকাৰে ইয়াৰ আগতে ২০১৯ চনত আইডিবিআই বেংকৰ বেছিভাগ অংশ এলআইচিক বিক্ৰী কৰি আইডিবিআই বেংকৰ বেচৰকাৰীকৰণ কৰিছিল।