যোৰহাটৰ উৰণ সেতু উদ্ধোধনৰ সময়ত মুখ্যমন্ত্ৰীৰ লগত ঘূৰিব অসম গৌৰৱ এশিঙীয়া গঁড়

যোৰহাটৰ উৰণ সেতু উদ্ধোধনৰ সময়ত মুখ্যমন্ত্ৰীৰ লগত ঘূৰিব অসম গৌৰৱ এশিঙীয়া গঁড়। ‘Save Rhino’ বাৰ্তা আৰু সজাগতা সৃষ্টিৰ বাবে এই প্ৰয়াস। কাইলৈ মুখ্যমন্ত্ৰী ডঃ হিমন্ত বিশ্ব শৰ্মাই উদ্ধোধন কৰিব যোৰহাটৰ ন আলিত নিৰ্মাণ কৰি উলিওৱা প্ৰথমখন উৰণ সেতু। এই উপলক্ষে চলিছে ব্যাপক আয়োজন। নিশাৰ ভাগত ৰঙীন আলোক সজ্জাৰে সজ্জিত কৰি তোলা হৈছে উৰণ সেতু খন। মুখ্যমন্ত্ৰীয়ে মুকলি কৰা পাছতে সেতুৰ ওপৰত ঘূৰিব এটা অসম গৌৰৱ এশিঙীয়া গঁড়। গড়টো হুবহু সাজি উলিয়াইছে ন আলি বঙাল পুখুৰীৰ মানস প্ৰতিম বৰুৱা আৰু তেওঁৰ সহযোগীসকলে। প্ৰায় ডেৰ মাহ কৰা কষ্টৰ অন্তত নিৰ্মাণ সম্পূৰ্ণ হৈছে গড়টোৰ। গড়টোৱে চকু তিপ মৰা, মুখ মেলা, কান লৰোৱা সকলো কৰিব পাৰে। লগতে সাজি উলিওৱা হৈছে জলজীৱন মিচনৰ প্ৰকল্প।