আজি মহানগৰীত উন্মোচন কৰা হ’ব ৩খনকৈ পদ-পথৰ উৰণীয়া সেঁতু। মুখ্যমন্ত্ৰী ড০ হিমন্ত বিশ্ব শৰ্মাই এই সেঁতুকেইখনৰ উদ্বোধন কৰিব।
ৰাজ্যিক স্ব-অগ্ৰাধিকাৰ উন্নয়ন পুঁজি ( এছ অ’ পি ডি জি )ৰ ২০১৯-২০ৰ অধীনত নিৰ্মাণ কৰা হৈছে পদ-পথৰ সেঁতুকেইখন।
মুখ্যমন্ত্ৰীয়ে উদ্বোধন কৰিবলগীয়া এ টি ৰোড পদপথ সেঁতুৰ দৈৰ্ঘ্য হৈছে ২৮ মিটাৰ। মুঠ ১০৩৮ লাখ টকা ব্যয়ৰে নিৰ্মাণ কৰা এই উৰণীয়া সেঁতুখনৰ নিৰ্মাণৰ আৰম্ভণি হৈছিল ২৩/০২/২০২০ত আৰু সমাপ্তি হৈছিল ৩০/০৭/২০২১ত।
বৰিপাৰা এ টি ৰোড পদপথ সেঁতুও উদ্বোধন কৰিব হিমন্ত বিশ্ব শৰ্মাই। ২৮ মিটাৰ দৈৰ্ঘ্যৰ এই উৰণীয়া সেঁতুৰ নিৰ্মাণত মুঠ ব্যয় হৈছে ৯৭০.৬০ লাখ টকা। এই সেঁতুৰ নিৰ্মাণৰ কাম আৰম্ভ হৈছিল ২৩/০২/২০২০ত আৰু নিৰ্মাণৰ কাম সম্পন্ন হৈছিল ৩০/০৭/২০২১ত।
আজি উদ্বোধনী কৰিবলগীয়া আনখন সেঁতু হৈছে শুক্ৰেশ্বৰ পদ-পথ সেঁতু। এই সেঁতুৰ দৈৰ্ঘ্য ১৯.৭০ মিটাৰ। সেঁতুৰ নিৰ্মাণত মুঠ ব্যয় হৈছে ৭৯৮.০৪ লাখ টকা। ০৫/০৬/২০২০ত আৰম্ভ কৰা হৈছিল সেঁতুৰ নিৰ্মাণৰ কাম আৰু সমাপ্তি হৈছিল ৩১/০৭/২০২১ত।
এই উদ্বোধনী অনুষ্ঠানত উপস্থিত থাকিব গৃহ নিৰ্মাণ আৰু নগৰ পৰিক্ৰমা বিভাগৰ মন্ত্ৰী অশোক সিংঘল আৰু গুৱাহাটী লোকসভা সমষ্টিৰ সাংসদ কুইন ওজা।
