গাহৰি মাংস খাই ভাল পাই নেকি আপুনি? যদি ভাল পায়, তেতিয়া আপোনাৰ বাবে বেয়া খবৰ। ৰাজ্যত এতিয়া আফ্ৰিকান ছোৱাইন ফিভাৰৰ আতংক। লক্ষীমপুৰত এতিয়া গাহৰিৰ দেহত ছোৱাইন ফিভাৰে দেখা দিছে। ধলপুৰ, ৰঙতি, শিমলুগুৰিকে ধৰি বহু গাঁৱৰ গাহৰিৰ দেহত ধৰা পৰিছে এই ৰোগ। একেদিনাই ধলপুৰৰ তিনিখন ফাৰ্মত গাহৰি নিধন হৈছে। ১৫০ টাৰো অধিক গাহৰি মৃত্যু মুখত পৰিছে এই মাৰাত্মক ফিভাৰৰ বাবে। এতিয়া শংকিত হৈ পৰিছে জনসাধাৰণ। গাহৰি মাংস বিক্ৰীৰ ক্ষেত্ৰত নিষেধাজ্ঞা আৰোপ কৰাৰ দাবী জনাইছে ৰাইজে।
