ৰাজ্যৰ মহিলাসকললৈ সুখবৰ! তৃতীয় পৰ্যায়ৰ ঋণী মহিলা সকলৰ ঋণ মাফ কৰিব ৰাজ্য চৰকাৰে।

কথা দি কথা ৰাখিলে মুখ্যমন্ত্ৰীয়ে! ৰাজ্যৰ শ-শ মহিলাৰ মুখত বিৰিঙিল হাঁহি। ৰাজ্যৰ তৃতীয় পৰ্যায়ৰ মাইক্ৰ’ফাইনেঞ্চৰ ঋণী মহিলালৈ মুখ্যমন্ত্ৰীয়ে দিলে ভাল খবৰ। তৃতীয় পৰ্যায়ৰ ঋণী মহিলা সকলৰ ঋণ মাফ কৰিব ৰাজ্য চৰকাৰে। বেংকক ঋণ ওভতাই দি ৩য় শ্ৰেণীৰ মহিলাক NOC প্ৰদান কৰিব চৰকাৰে।

উল্লেখ্য যে আজি দিছপুৰ জনতা ভৱনত অনুষ্ঠিত হয় তৃতীয় পৰ্যায়ৰ সাহায্য বিতৰণী অনুষ্ঠান। তৃতীয় পৰ্যায়ত ২৯১ কোটি টকা ৰাজ সাহায্য ২.২২ লাখ গৰাকী ঋণীয়ে পাব NOC। ইতিমধ্যে প্ৰথম আৰু দ্বিতীয় শ্ৰেণীৰ মহিলাৰ ঋণ মাফ কৰিছে চৰকাৰে। প্ৰথম পৰ্যায়ত ৮ লাখতকৈ অধিক ঋণীক ১৬শ কোটি টকা ৰেহাই। দ্বিতীয় পৰ্যায়ত ১ লাখতকৈ অধিক ঋণীক ১৯০ কোটি টকা ৰেহাই চৰকাৰৰ।