দেশৰ বাবে দায়িত্ব পালন কৰাৰ পাছত এইবাৰ নিজৰ পৰিয়ালৰ বাবে দায়িত্ব পালন কৰিছে লাভলীনাই।
গুৰুতৰভাৱে অসুস্থ লাভলীনাৰ মাতৃ মামনি বৰগোঁহাই। বৃক্ক সংৰোপণ কৰিব লাগিব তেওঁৰ। ইতিমধ্যে মামনি বৰগোঁহাইৰ বৃক্কৰ এটা অস্ত্ৰোপচাৰো হৈ গৈছে।
পৰৱৰ্তী উন্নত চিকিৎসাৰ বাবে মাকক লৈ লাভলীনা বৰগোঁহাই মঙলবাৰে কলকাতাত উপস্থিত হৈছে। চিকিৎসকেও মাতৃ সুস্থ হৈ উঠিব বুলি লাভলীনাক আশ্বাস দিছে।
লাভলীনাৰ এতিয়া এটাই লক্ষ্য, যিকোনো প্ৰকাৰে নিজৰ মাতৃক সুস্থ কৰি তোলা।
