পুনৰ অসমলৈ দেশৰ প্ৰধানমন্ত্ৰী

ভাৰতীয় জনতা পাৰ্টীৰ নিৰ্বাচনৰ তালিকা প্ৰকাশৰ পিছতে ৰাজনৈতিক মহলত এক বিশেষ খবৰে চৰ্চা লাভ কৰিছে । নিৰ্বাচনৰ আগত দেশৰ প্ৰধানমন্ত্ৰী অসমলৈ অহাটো বৰ ডাঙৰ কথা নহয় যদিও নিৰ্বাচনী তালিকা প্ৰকাশ পোৱাৰ পিছত অসমলৈ প্ৰধানমন্ত্ৰীৰ অসম ভ্ৰমণে ৰাজনৈতিক প্ৰেক্ষাপটত ব্যাপক গোনাগঠা চলিছে । তাৰ মাজতে বিভিন্ন কাৰ্য্যসূচী হাতত লৈ অসমত আহিব দেশৰ প্ৰধানমন্ত্ৰী নৰেন্দ্ৰ মোদী । ৮ মাৰ্চত দুদিনীয়া কাৰ্যসূচীৰে অসমলৈ আহিব প্ৰধানমন্ত্ৰী নৰেন্দ্ৰ মোদী । ৮ মাৰ্চৰ নিশা কাজিৰঙাত কটাব প্ৰধানমন্ত্ৰীগৰাকীয়ে । ৯ মাৰ্চৰ পুৱা কঁহৰা বনাঞ্চলত প্ৰধানমন্ত্ৰীয়ে কৰিব চাফাৰী । প্ৰধানমন্ত্ৰীগৰাকীয়ে যোৰহাটত মুকলি কৰিব মহাবীৰ লাচিতৰ প্ৰতিমূৰ্তি । প্ৰধানমন্ত্ৰীগৰাকীয়ে মেটেলি পথাৰত সম্বোধন কৰিব বিশাল জনসভা । জনসভাতেই নিৰ্বাচনী ৰণশিঙা বজাব প্ৰধানমন্ত্ৰীগৰাকীয়ে ।