দেশত শেহতীয়াকৈ পেট্ৰ’লৰ মূল্য আকাশলংঘী হোৱাৰ সময়ত গ্ৰাহকে বিকল্প হিচাপে ব্যৱহাৰ কৰিব পাৰিব ইথানল তেল। ইয়াৰ বাবে প্ৰস্তুতি চলাইছে কেন্দ্ৰই৷ ইথানল ব্যৱহাৰেৰে গ্ৰাহকে বহুখিনি সাময়িক সকাহ পাব বুলি আশা কৰা হৈছে৷
অৱশ্যে এই ইথানল তেল পেট্ৰ’ল ইঞ্জিনত ব্যৱহাৰ নহ’ব৷ ব্যৱহাৰ হ’ব ফ্লেক্স ফিউল ইঞ্জিনতহে।
পেট্ৰ’লৰ বিকল্প ৰূপে ইথানল ব্যৱহাৰ কৰাৰ ক্ষেত্ৰত কেন্দ্ৰীয় চৰকাৰে দহ দিনৰ ভিতৰত সিদ্ধান্ত ল’ব বুলি ঘোষণা কৰে কেন্দ্ৰীয় পথ পৰিবহন মন্ত্ৰী নিতীন গাডকাৰীয়ে৷
উল্লেখ্য যে, ইথানল তেল ব্যৱহাৰ হ’বলগীয়া ফ্লেক্স ফিউল ইঞ্জিন নিৰ্মাণত ব্যস্ত হৈ পৰিছে এতিয়া মাৰ্কিন যুক্তৰাষ্ট্ৰ, ব্ৰাজিল আৰু কানাডাৰ লগতে আন বহু কেইটা অট’ম’বাইল কোম্পানী৷
পেট্ৰ’লৰ বিকল্প ৰূপে ইথানল তেল ব্যৱহাৰ কৰাৰ ক্ষেত্ৰত কেন্দ্ৰৰ শেহতীয়া পদক্ষেপক জনতাই কেনেদৰে সঁহাৰি জনাব সেয়া হ’ব লক্ষণীয়৷
