ব’হাগৰ বতৰ! ফুলি উঠা নাহৰ, তগৰ আৰু কপৌৱে দিছেহি ব’হাগ অহাৰ বতৰা

এতিয়া ব’হাগৰ বতৰ। ফুলি উঠা নাহৰ, তগৰ আৰু কপৌৱে দিছেহি ব’হাগ অহাৰ বতৰা। ব’হাগৰ আগমনৰ এই সময়ছোৱাত দিহিং পাটকাই ৰাষ্ট্ৰীয় উদ্যানৰ ভিতৰ চৰাত ফুলি উঠা অৰ্কিডে এতিয়া আপ্লুত কৰি তুলিছে সকলোকে। কপৌফুলক বাদ দি বাপতি সাহোন বিহুটো যেন প্ৰতিগৰাকী অসমীয়াৰ বাবে অসম্পূৰ্ণ । ব’হাগৰ এই সময়ছোৱাতে দিহিং পাটকাই ৰাষ্ট্ৰীয় উদ্যানৰ প্ৰায়বোৰ গছতেই ফক্স টেইল অৰ্কিড অৰ্থাৎ নাচনী কপৌ, ভাটৌ কপৌ আৰু শালিকী কপৌৰ লগতে বিভিন্ন প্ৰজাতিৰ ৰঙ বিৰঙৰ অৰ্কিডে আকৰ্ষিত কৰিছে বিভিন্নজনক।