শতবৰ্ষ গৰকা বেল কাঠৰ দুৰ্গা প্ৰতিমা। ঐতিহ্যমণ্ডিত পুৰণিগুদামত
উত্তৰ পূৱ ভাৰতৰ এখন বিশেষ পূজা মণ্ডপ। নগাঁও জিলাৰ ঐতিহ্যমণ্ডিত পুৰণিগুদামত আছে দুৰ্গাপূজাৰ মণ্ডপখন৷ য’ত ১২৫ বছৰ গৰকা বেল কাঠেৰে নিৰ্মিত বুৰঞ্জী প্ৰসিদ্ধ দুৰ্গা দেবীৰ মুৰ্তি আছে৷
পুৰণিগুদামৰ দাৰুশিল্পী লেখধৰ শৰ্মা ওৰফে লেৰেলা খনিকৰে নিৰ্মাণ কৰা দুৰ্গা প্ৰতিমা সহ বাকী সমূহ প্ৰতিমা বেল কাঠৰ যদিও মহীষাসুৰৰ মুৰ্তিটো কি কাঠৰ আছিল, সেই কথা কোনেও নাজানে ৷ কাৰণ প্ৰচলিত জনশ্ৰুতি অনুসৰি বেল কাঠৰ অভাৱ হোৱাৰ পাছত মুৰ্তি নিৰ্মান কৰা শিল্পী গৰাকীয়ে সপোনত দেখা অনুসৰি এডাল প্ৰকাণ্ড কাঠ কলং সুঁতিৰে উটি আহিছিল৷ সেই কাঠডালেৰে বনোৱা হৈছিল মহীষাসুৰৰ মুৰ্তিটো।
উল্লেখ্য যে, পুৰণিগুদামৰ পুজামণ্ডপৰ এই প্ৰতিমাসমুহ বিজয়া দশমীৰ দিনা অন্যান্য মৃণ্ময় প্ৰতিমাৰ দৰে উটুৱাই দিয়া নহয়৷
