পুনৰ জেললৈ যাব পাৰে অভিনেতা ছলমান খান! ছলমান খানলৈ আহিল আদালতৰ চমন।
এইবাৰ অভিনেতাজনৰ বিৰুদ্ধে ঘোচৰ তৰিছে সাংবাদিক অশোক পাণ্ডেই। ৫ এপ্ৰিলত আন্ধেৰি ক’ৰ্টত হাজিৰ হোৱাৰ নিৰ্দেশনা জাৰি কৰা হৈছে অভিনেতাগৰাকীক।
তথ্য অনুসৰি, ২০১৯ চনত সাংবাদিকৰ সৈতে অভব্য আচৰণ কৰাৰ বাবে এই গোচৰ ৰুজু কৰিছিল সাংবাদিক অশোক পাণ্ডেই। আইপিচি ৫০৪ আৰু ৫০৬ ধাৰাত ৰুজু কৰা হৈছিল এই গোচৰ।
নিজৰ খঙাল মেজাজৰ বাবে ছলমান খানে সাংবাদিকক অপদস্থ কৰাৰ ঘটনা বহুবাৰ সংঘটিত হৈছিল। আনকি ছেলফি ল’বলৈ যোৱা অনুৰাগীৰ সৈতেও বেয়া ব্যৱহাৰ কৰিছিল তেওঁ। বহু সময়ত অনুৰাগীৰ ফোন কাঢ়ি নি দলিয়াই পেলোৱাও দেখা গৈছিল।
উল্লেখ্য যে, ইয়াৰ পূৰ্বেও কৃষ্ণসাৰ মৃগ আৰু নিশা অনিয়ন্ত্ৰিতভাৱে গাড়ী চলোৱাৰ বাবে দীৰ্ঘদিন আদালতলৈ দৌৰিবলগীয়া হৈছিল অভিনেতাজন
