ৰাষ্ট্রীয় স্ক্রেপিং নীতি মুকলি প্রধানমন্ত্রী মোদীৰ

প্রধানমন্ত্রী নৰেন্দ্র মোদীয়ে কয় যে, দেশৰ বিকাশৰ যাত্রাত গুৰুত্বপূর্ণ মাইলৰ খুঁটি ৰাষ্ট্রীয় স্ক্রেপিং নীতি৷ ইয়ে পথৰ পৰা অনুপযোগী যান–বাহন আঁতৰ কৰাত বৃহৎ ভূমিকা ল’ব আৰু ই কেৱল যান–বাহন খণ্ডতে নহয়, সকলো খণ্ডতে ইতিবাচক পৰিৱর্তন আনিব৷ গুজৰাটত অনুষ্ঠিত বিনিয়োগকাৰী সন্মিলন ভিডিঅ’ কনফাৰেঞ্চযোগে সম্বোধন কৰি প্রধানমন্ত্রী মোদীয়ে ৰাষ্ট্রীয় স্ক্রেপিং নীতি মুকলি কৰি দেশবাসীক উদ্দেশ্যি এই মন্তব্য আগবঢ়ায়৷

ভৱিষ্যতৰ প্রতি লক্ষ্য ৰাখি প্রযুক্তি আৰু উদ্ভানৰ প্রাসংগিকতা উল্লেখ কৰি প্রধানমন্ত্রী মোদীয়ে কয়– ৰাষ্ট্রীয় স্ক্রেপিং নীতি বিকাশৰ বহনক্ষম আৰু পৰিৱেশ বন্ধুত্বমূলক৷