অসমৰ বৃহৎ গৰু বজাৰখনৰ পৰাই চলিছে গৰু ছিণ্ডিকেটৰ অবাধ বেহা। বিহৰা বজাৰৰ মহলদাৰৰ নেতৃত্বত চলিছে ৰাজ্যৰ গৰুৰ অবৈধ তথা চোৰাং সৰবৰাহ৷ পশুধন সুৰক্ষা আইনে গৰুৰ আন্তঃজিলা সৰবৰাহত নিষেধাজ্ঞা আনি দিয়াৰ পাছতো বিহৰা বজাৰত সক্ৰিয় গৰু ছিণ্ডিকেট চক্ৰ।
দিনে-নিশাই গাড়ীয়ে গাড়ীয়ে গাড়ীয়ে সৰবৰাহ হয় হাজাৰ হাজাৰ গো ধন৷ বোকাখাতৰ বিহৰাৰ পৰা চাৰিখনকৈ আৰক্ষী থানা পাৰ হৈ নগাঁও পায়গৈ নথিপত্ৰবিহীন চোৰাং গৰু৷ একাংশ গো সৰবৰাহকাৰীৰ মন্তব্যত পোহৰলৈ আহিছে এই ভয়ংকৰ ছিণ্ডিকেটৰাজ। খোজ কঢ়াই আৰক্ষীৰ চকুৰ সন্মুখেৰে লৈ যায় গৰু। একাংশ গো সৰবৰাহকাৰীৰ মন্তব্য, খোজকঢ়াই নিলে আৰক্ষীয়ে নধৰে।
