অসমজীৱনশৈলীসংস্কৃতিসাহিত্য

আজি জয়ন্ত হাজৰিকাৰ ৭৮সংখ্যক জন্ম বাৰ্ষিকী

কেইবাটাও জনপ্ৰিয় গীত ৰচনা কৰি থৈ গৈছে ৰাণা দাই

আজি জয়ন্ত হাজৰিকাৰ ৭৮সংখ্যক জন্ম বাৰ্ষিকী৷
১৯৪৩ চনৰ ২০ ছেপ্তেম্বৰত জন্ম লাভ কৰা জয়ন্ত হাজৰিকাই জীৱন কালত তেওঁ কেইবাটাও জনপ্ৰিয় গীত ৰচনা কৰি থৈ গৈছে৷ মঙলদৈৰ এটি সংস্কৃতিবান পৰিয়ালত জন্মগ্ৰহণ কৰা ‘ৰাণা দা’ সৰুকালৰ পৰাই সংগীতৰ মাজতে ডাঙৰ-দীঘল হৈছিল৷
তেওঁ গুৱাহাটীৰ সোণাৰাম হাইস্কুলত অধ্যয়ন কৰিছিল যদিও মেট্ৰিকৰ দেওনাখন পাৰ হ’ব নোৱাৰিলে৷ ইয়াৰ পিছতে তেওঁ কলকাতালৈ গৈ আগলি বতাহে কঁপালে কলৰে পাত’, ‘কৃষ্ণচূড়া কৃষ্ণচূড়া’ নামৰ গীত HMVৰ সৈতে বাণীবদ্ধ কৰে৷ দুয়োটা গীতে তাৎক্ষণিকভাৱে জনপ্ৰিয় হৈ পৰে আৰু জয়ন্ত হাজৰিকাৰ পেচাগত সংগীতৰ কেৰিয়াৰ আৰম্ভ হয়৷ তাৰ পাছতে তেওঁ কেইবাটাও গীতত কণ্ঠদান কৰে৷
ভূপেন হাজৰিকাৰ পৰিচালিত ছবি ‘চিকমিক বিজুলী’ আছিল জয়ন্ত হাজৰিকাই ছবিৰ বাবে ৰচনা কৰা প্ৰথমটো গীত৷ ১০৭১ চনত ‘বনৰীয়া ফুল’ ছবিখনৰ জৰিয়তে জয়ন্ত হাজৰিকাই স্বাধীন সংগীত পৰিচালক হিচাপে যাত্ৰা আৰম্ভ কৰিছিল৷
১৯৭৭ চনত ৰাণা দাই ‘নতুন আশা’ ছবিখনৰ সংগীত বাণীবদ্ধ কৰিবলৈ কলকাতালৈ যায়৷ তাতেই ৰোগত আক্ৰান্ত হৈ মাত্ৰ ৩৪ বছৰ বয়সতে মৃত্যুক সাৱটি লয় ৰাণা দাই৷

Related Articles

প্ৰত্যুত্তৰ দিয়ক

আপোনৰ ইমেইল ঠিকনাটো প্ৰকাশ কৰা নহ’ব। প্ৰয়োজনীয় ক্ষেত্ৰকেইটাত * চিন দিয়া হৈছে

4 × 3 =

Back to top button