জলমগ্ন ধেমাজিৰ ১৫ খনকৈ গাওঁ।

যোৱা কেইবাদিন ধৰি ধাৰাবাহিকভাৱে অসমৰ লগতে চুবুৰীয়া ৰাজ্য অৰুনাচল প্ৰদেশৰ পাহাৰত মুষলধাৰ বৰষুণৰ ফলত এতিয়া উপন্দি উঠিছে নৈ উপনৈ সমূহৰ লগতে গাই নদীৰ জলপৃষ্ঠ । ধেমাজিৰ চিচিবৰগাঁও গাইনদীৰ নামনি অংশত প্ৰথমটো বানত জলমগ্ন হৈ পৰিছে ১৫ খনকৈ গাওঁ ৷

উল্লেখ্য যে যোৱা দুটা বছৰে বাৰিষাৰ প্ৰবল বানত গাইনদীৰ নামনি অংশৰ চোমনিত মথাউৰি চিঙি যোৱাত বিস্তৃত এলেকাৰ বিশাল পথাৰ শ শ কৃষিভূমি বিনষ্ট কৰি পেলালে আমগুৰি পঞ্চায়তৰ অৰ্ধ শতাধিক গাঁৱৰ ৰাইজ। এইবেলি বাৰিষাৰ পুৰ্বৰে গাইনদী মথাউৰিৰ চিগা অংশৰ মেৰামতিৰ কাম জোনাই সমষ্টিৰ বিধায়ক ভূৱন পেগু আৰু লক্ষিমপুৰৰ সাংসদ প্ৰদান বৰুৱাই ফিটাকাটি শুভ উদ্বোধন কৰিলে ঠিকেই কিন্ত আজিও নিৰ্মান সম্পূৰ্ণ নোহোৱাত পুনৰ প্ৰথমটো বাৰিষাৰ বাঢ়নী পানী মুখামুখি হোৱাত বাৰুকৈয়ে চিন্তিত কৰি তুলিছে এই সকল ৰাইজক।