ৰাজ্যত ক্ৰমাৎ বৃদ্ধি পাইছে পথ দুৰ্ঘটনাৰ ঘটনা। বিগত এমাহত ৰাজ্যত সৰহ সংখ্যক লোকেই পথ দুৰ্ঘটনাত প্ৰাণ হোৰুৱালে।১৭ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা। দুৰ্ঘটনাত থিতাতে মৃত্যুক সাবটিলে একেটা পৰিয়ালৰে ৫ জন লোকে। গুৰুতৰভৱে আহত দুজন লোক।
গোৱালপাৰাৰ বলবলা গধাবৰীত এই ভয়ংকৰ পথ দুৰ্ঘটনা। বৃহস্পতিবাৰে নিশা দুখন চাৰিচকীয়া বাহনৰ মুখামুখি সংঘৰ্ষৰ ফলত এই দুৰ্ঘটনা হোৱা বুলি জানিব পৰা গৈছে ।
গাড়ীৰ প্ৰচণ্ড খুন্দাত থিতাতে মৃত্য়ুক সাবটে একেটা পৰিয়ালৰ ৫জনকৈ লোকে। নিহত পাঁচজন ক্ৰমে আব্দুৰ ৰহিম, ছবুৰা খাতুন, নাজমা খাতুন, ছোহেইল ৰহমান, আৰু জহেল ৰহমান ।
আনহাতে, গুৰুতৰভাৱে আঘাতপ্ৰাপ্ত হোৱা দুজনকৈ লোকৰ এজন হৈছে আনোৱাৰ হুছেইন। বৰ্তমান চিকিৎসাধীন হৈ আছে দুয়োজন ব্যক্তি।
