Tokyo Olympics 2020:৪১ বছৰৰ প্ৰতীক্ষাৰ অন্ত পেলাই ভাৰতলৈ আহিল ব্ৰঞ্জ
ভাৰতবাসীৰ উৎকন্ঠাৰ অন্ত পেলাই ৪১ বছৰৰ অন্তত ভাৰতলৈ আহিল অন্য এক পদক
অলিম্পিকত অব্যাহত আছে ক্ৰীড়াবিদৰ পদক জয়ৰ দৌৰ। ভাৰতবাসীৰ উৎকন্ঠাৰ অন্ত পেলাই ৪ তাৰিখে ভাৰতীয় বক্সাৰ, অসম কন্যাই কঢ়িয়াই আনিলে গৌৰৱ। তাৰ পাছতে ৪১ বছৰৰ অন্তত ভাৰতলৈ আহিল অন্য এক পদক। অলিম্পিকৰ ইতিহাসত খোদিত হ’ল ভাৰতৰ নাম।
https://twitter.com/Tokyo2020hi/status/1423157419706707969
ভাৰতীয় হকীৰ পুৰুষ দলে ৪১ বছৰৰ প্ৰতীক্ষাৰ অন্ত পেলাই ব্ৰঞ্জ জয়ৰে ভাৰতলৈ পুনৰ কঢ়িয়াই আনিছে গৌৰৱ। বৃহস্পতিবাৰে, প্ৰতিদ্বন্দ্বী জাৰ্মানীক ৫-৪ৰ ব্যৱধানত পৰাজিত কৰি পদক আজুৰিবলৈ সক্ষম হয় ভাৰতীয় হকীৰ পুৰুষ দলটো। খেলুৱৈ চিমৰনজিৎ সিঙে ভাৰতৰ হৈ দুটা চমৎকাৰী গ’ল দিবলৈ সক্ষম হয়। ইয়াৰ সমান্তৰালকৈ হাৰ্দিক সিং, হৰমনপ্ৰীত সিং আৰু ৰুপিন্দৰ পল সিঙেও স্ক’ৰচিট(Scoresheet)ত নাম অন্তৰ্ভু্ক্ত কৰিবলৈ সক্ষম হয়।
ভাৰতীয় হকীৰ পুৰুষ দলৰ এই সফলতাই বাৰুকৈয়ে গৌৰৱান্বিত কৰিছে ভাৰতবাসীক। অলিম্পিকত হকী দলটোৰ এই সফলতাৰ পাছতে ভাৰতে লাভ কৰা পদকৰ সংখ্যা হ’লগৈ ৪টা। ভাৰতবাসীয়ে আশা কৰিছে ভাৰতলৈ আহক আৰু পদক। পদক জয়ৰে অলিম্পিকত নাম খোদিত কৰক ভাৰতে।
