দুৰ্ঘটনা

বিহাৰৰ বৈশালীত ভয়ংকৰ পথ দুৰ্ঘটনা। দ্ৰুতবেগী ট্ৰাকে মহটিয়াই নিলে পথচাৰীক

বিহাৰৰ বৈশালী জিলাৰ পথৰ কাষৰ মন্দিৰত এখন দ্ৰুতবেগী ট্ৰাকে মহটিয়াই নিলে পথচাৰীক

বিহাৰৰ বৈশালীত ভয়ংকৰ পথ দুৰ্ঘটনা। নিয়ন্ত্ৰণ হেৰুৱাই দ্ৰুতবেগী ট্ৰাকে মহটিয়াই নিলে পথচাৰীক। দুৰ্ঘটনাত থিতাতে নিহত ১২জনকৈ লোক। এটা বিবাহ অনুষ্ঠানৰ পৰা উভতিছিল লোককেইজন। দুৰ্ঘটনাত গুৰুতৰভাৱে আহত আন কেইবাজনো

দেওবাৰে সন্ধিয়া বিহাৰৰ বৈশালী জিলাৰ পথৰ কাষৰ মন্দিৰত এখন দ্ৰুতবেগী ট্ৰাকে ভক্তৰ ভিৰত খুন্দা মৰাৰ ফলত কমেও বাৰজন লোক নিহত হোৱাৰ বিপৰীতে কেইবাজনো আহত হয়। জিলাখনৰ দেশৰী থানাৰ অন্তৰ্গত হাজীপুৰ-মাহনাৰ ৰাজ্যিক ঘাইপথত অৱস্থিত নয়া গাওঁ টোলা গাঁৱত নিশা প্ৰায় ৯ বজাত সংঘটিত হয় এই দুৰ্ঘটনা।

আৰক্ষীয়ে জনোৱা মতে, আহতসকলক হাজীপুৰ সদৰ চিকিৎসালয়লৈ লৈ যোৱা হৈছে। দুৰ্ঘটনাটোত ১২ জন লোকৰ মৃত্যু হয়। ইয়াৰে ৯ জন লোকৰ থিতাতে মৃত্যু হয়। আন তিনিজন লোক চিকিৎসালয়লৈ লৈ যোৱাৰ সময়ত মৃত্যু হয়। আনহাতে সংকটজনক অৱস্থাত আছে বহু কেইজন লোক।

বৈশালীৰ আৰক্ষী অধীক্ষক মনীষ কুমাৰে কয় যে, “মৃতকৰ ভিতৰত কমেও চাৰিজন শিশু আছিল। আমি ছিন্নভিন্ন বাহনখনৰ পৰা উলিয়াই আনিবলৈ চেষ্টা কৰা ট্ৰাক চালকজনৰো মৃত্যু হ’ব পাৰে”।

ইফালে প্ৰধানমন্ত্ৰী নৰেন্দ্ৰ মোদীয়ে টুইট যোগে এই দুৰ্ঘটনাক লৈ শোক প্ৰকাশ কৰি কয় যে, “বিহাৰৰ বৈশালীত সংঘটিত হোৱা দুৰ্ঘটনাটো দুখজনক। শোকসন্তপ্ত পৰিয়াললৈ সমবেদনা। আহতসকল সোনকালে আৰোগ্য লাভ কৰক। প্ৰত্যেকজন মৃতকৰ ওচৰ-চুবুৰীয়াক পিএমএনআৰএফৰ পৰা ২ লাখ টকাৰ এক্স-গ্ৰেটিয়া দিয়া হ’ব। আহতসকলক দিয়া হ’ব ৫০ হাজাৰ টকা।”

সম্পৰ্কিত প্ৰবন্ধসমূহ

প্ৰত্যুত্তৰ দিয়ক

আপোনৰ ইমেইল ঠিকনা প্ৰকাশ কৰা নহ'ব । প্ৰয়োজনীয় ক্ষেত্ৰসমূহত *এৰে চিন দিয়া হৈছে

fourteen + 19 =

Back to top button