বছৰৰ পহিলা দিনটোত এটা দুঃখবৰ, বৈষ্ণুদেৱী মন্দিৰত আশীষ ল’বলৈ যাওঁতেই মৃত্যু ১২জন ভক্তৰ
বছৰৰ প্ৰথম দিনটোত নেদেখাজনৰ আশীষ বিচাৰি মঠ-মন্দিৰত ভিৰ কৰিছে ভক্তগণে। কিন্তু ভগৱানৰ আশীষ লোৱাৰ সময়তেই এক অঘটন।
আৰম্ভ ২০২২ বৰ্ষ। আজি ইংৰাজী নৱবৰ্ষৰ প্ৰথমটো দিন। বছৰৰ প্ৰথম দিনটোত নেদেখাজনৰ আশীষ বিচাৰি মঠ-মন্দিৰত ভিৰ কৰিছে ভক্তগণে। কিন্তু ভগৱানৰ আশীষ লোৱাৰ সময়তেই এক অঘটন। জম্মু-কাশ্মীৰৰ বৈষ্ণুদেৱী মন্দিৰলৈ যোৱাৰ পথতেই মৃত্যুক সাবটিলে ১২ জন ভক্তই।
শনিবাৰে পুৱা বৈষ্ণুদেৱী মন্দিৰত অগণন ভক্তৰ হেঁচা-থেলাত ১২ জন লোকৰ মৃত্যু হোৱাৰ লগতে আন বহু লোক গুৰুতৰভাৱে আহত হয়। মৃত্যু হোৱা লোককেইজন দিল্লী, হাৰিয়ানা, পঞ্জাৱ, জম্মু-কাশ্মীৰৰ বুলি জানিব পৰা গৈছে।
আনহাতে, হাস্পতালত এতিয়াও মৃত্যুৰ সৈতে যুঁজি আছে আন বহুকেইজন ভক্তই। ত্ৰিকুটা পাহাৰৰ কাত্ৰা মন্দিৰৰ বাহিৰত ভক্তৰ মাজত হেঁচা-থেলাৰ ফলত সংঘটিত এই ঘটনা। কেইজনমান ভক্তৰ মাজত হোৱা বিবাদৰ পৰিণতিত আতংকৰ সৃষ্টি হয় সকলোৰে মাজত। যাৰবাবে হেঁচা-থেলাত ১২ জন লোকে মৃত্যুক সাৱটি লোৱাৰ বিপৰীতে ১৪ জন লোক আহত হয়।
এই ঘটনাৰ পিছতেই গভীৰ শোক প্ৰকাশ কৰিছে দেশৰ প্ৰধানমন্ত্ৰীয়ে।
Extremely saddened by the loss of lives due to a stampede at Mata Vaishno Devi Bhawan. Condolences to the bereaved families. May the injured recover soon. Spoke to JK LG Shri @manojsinha_ Ji, Ministers Shri @DrJitendraSingh Ji, @nityanandraibjp Ji and took stock of the situation.
— Narendra Modi (@narendramodi) January 1, 2022
