বলিউডত পুনৰ বিয়া। এইবাৰ বিবাহৰ দৰে পবিত্ৰ সম্বন্ধত বান্ধ খাবলৈ গৈ আছে প্ৰায়ে চৰ্চাত থকা বলিউডৰ জনপ্ৰিয় যুটি অভিনেতা সিদ্ধাৰ্থ মালহোত্ৰা আৰু অভিনেত্ৰী কিয়াৰা আদৱানী। ইতিমধ্যে ধাৰ্য্য হৈছে দুয়োৰে বিবাহৰ দিন। ফেব্ৰুৱাৰী মাহৰ প্ৰথম সপ্তাহতে সিদ্ধাৰ্থ মালহোত্ৰা আৰু কিয়াৰা আদৱানী বিবাহপাশত আৱদ্ধ হ’ব বুলি জানিব পৰা গৈছে। ৰাজস্থানৰ জয়ছালমেৰত এই বিয়াখন অনুষ্ঠিত হ’ব। জানিব পৰা মতে, দম্পতীহালে সম্পূৰ্ণ ৰীতি-নীতিৰে পাঞ্জাৱী ষ্টাইলত বিয়া পাতিবলৈ চেষ্টা কৰিছে।
ৰাজস্থানৰ বিয়াৰ পিছত মুম্বাইত অভ্যৰ্থনা অনুষ্ঠানৰ আয়োজন কৰিছে দম্পতীহালে। এক সূত্ৰই জনোৱা মতে, সিদ্ধাৰ্থ মালহোত্ৰাৰ পিতৃ-মাতৃয়ে সকলো অনুষ্ঠানৰ সৈতে এখন আড়ম্বৰপূৰ্ণ বিয়া কৰিবলৈ অতি আগ্ৰহী। দুদিনৰ ভিতৰত হ’ব এই বিবাহ অনুষ্ঠান আৰু পিছত মুম্বাইত তেওঁলোকৰ বন্ধুসকলৰ বাবে এক অভ্যৰ্থনা অনুষ্ঠান অনুষ্ঠিত হ’ব।
তেওঁলোকৰ অতিথি তালিকাত আছে কৰণ জোহৰ, মনীষ মালহোত্ৰা, অশ্বিনী য়াৰ্ডি আদি।
একেদিনাই সংগীত আৰু হালদী হ’ব আৰু পিছদিনা বিয়া। তেওঁলোকৰ বহু বন্ধু আৰু পৰিয়ালৰ সদস্যই ইতিমধ্যে হালদীৰ বাবে মেৰিগল্ড আৰু হালধীয়া থিমৰ সাজ-পোছাক পিন্ধিব বুলি জানিব পৰা গৈছে। যিহেতু শ্বেৰশ্বাহ দুয়োৰে বাবে বিপুল হিট আছিল, গতিকে ইতিমধ্যে সংগীতৰ প্লেলিষ্টত আছে ৰাত লেম্বিয়ান।
সিদ্ধাৰ্থ আৰু কিয়াৰাৰ বিবাহৰ অতিথিৰ তালিকাত কৰণ জোহৰ, মনীষ মালহোত্ৰা, অশ্বিনী য়াৰ্ডি আদিৰ দৰে নিকট পৰিয়াল আৰু উদ্যোগৰ বন্ধুসকল থাকিব।পৰিয়ালসমূহেও এটা ডাঙৰ বিবাহ পৰিকল্পনাকাৰী এজেন্সীৰ সৈতে সমগ্ৰ বিবাহ অনুষ্ঠানটোৰ নথিভুক্ত কৰি আছে যিয়ে বিয়াৰ সকলো বিশেষ মুহূৰ্ত বন্দী কৰিব।
