সোমবাৰে তামিলনাডু চৰকাৰে কেন্দ্ৰীয় চৰকাৰলৈ এক পত্ৰ প্ৰেৰণ কৰে। পত্ৰত উল্লেখ, সমগ্ৰ দেশৰ আমাজন প্ৰাইম অ’টিটি প্লেটফৰ্মৰ ফেমিলি মেন-২ ৱেব চিৰিজৰ মুক্তি নিষিদ্ধ কৰাৰ বাবে তাৎক্ষণিক ব্যৱস্থা গ্ৰহণ কৰিব লাগে। কাৰণ শেহতীয়াকৈ মুক্তি পাব লগীয়া মনোজ বাজপাই আৰু সামান্থা অভিনীত ছবিখনৰ ট্ৰেইলাৰত ইলাম তামিলসকলক অত্যন্ত আপত্তিজনক ভাৱে দেখুওৱা হৈছে।

এই সন্দৰ্ভত তথ্য প্ৰযুক্তি মন্ত্ৰী টি মনো থাংগাৰাজে কেন্দ্ৰীয় তথ্য আৰু সম্প্ৰচাৰ মন্ত্ৰী প্ৰকাশ জাভড়েকাৰলৈ লিখা পত্ৰত কয়, ৱেব শৃংখলাটোৱে জুনত মুক্তি পোৱাৰ বাবে কেৱল ইলাম তামিলসকলৰ অনুভূতিক আঘাত কৰাই নহয়, তামিলনাডুৰ জনসাধাৰণৰ আৱেগতো আঘাত হানিব।