দিল্লীত মুষলধাৰ বৰষুণ । বৰষুণে অভিলখ সৃষ্টি কৰিছে দিল্লীত । ১৯৩৩ চনৰ পিছত প্ৰথমবাৰৰ বাবে চলিত বৰ্ষত ১,৫০০ মিমি.তকৈ অধিক বৰষুণে ৰেকৰ্ড গঢ়িলে দিল্লীত ।
১২১ বছৰৰ অন্তত দিল্লীত পৰিলক্ষিত হ’ল দ্বিতীয় সৰ্বাধিক বৰষুণ।
বৰষুণৰ বাবে ব্যাহত হৈ পৰিছে দিল্লীৰ স্বাভাৱিক জীৱন যাত্ৰা । বৃষ্টিপাতৰ ফলত দিল্লীৰ বহুকেইটা পথ পানীত বুৰ যোৱাৰ ফলত যান-বাহন চলাচলত অসুবিধাৰ সন্মুখীন হৈছে সাধাৰণ লোক । উল্লেখ্য যে, দেওবাৰে দিল্লীত হোৱা আকস্মিক বৰষুণৰ মাত্ৰা ২৭.৫ মিমি.লৈ বৃদ্ধি পাইছে ।
চলিত বৰ্ষৰ ১ জুনৰ পৰা ৩০ ছেপ্টেম্বৰৰ ভিতৰত দিল্লী চহৰত ১,১৬৯ মিমি. বৰষুণ আৰু ৮০% অধিক বৰষুণ হোৱা পৰিলক্ষিত হৈছে।
এইবাৰ দিল্লীত বছৰতকৈ দুগুণ বৰষুণৰ হোৱাৰ আশংকা কৰা হৈছে। লগতে বতৰৰ পৰিৱৰ্তনৰ বাবে দিল্লীত অত্যাধিক ঠাণ্ডা হোৱাৰ কথাও উল্লেখ কৰিছে বতৰ বিজ্ঞানীয়ে।
