ক’ভিডে পুনৰ কপাঁইছে ৰাজধানী চহৰ দিল্লী। ক’ভিডৰ প্ৰভাৱ ইমানেই বেছি যে সাৰি যোৱা নাই সংসদ ভৱনো (Parliament)। সংসদ ভৱনত কৰ্মৰত ৪০০ৰো অধিক কৰ্মচাৰীৰ দেহত ধৰা পৰিছে ক’ভিডৰ উপস্থিতি।
জানুৱাৰীৰ ৬ আৰু ৭ তাৰিখে সংসদত কাম কৰা কৰ্মচাৰী, নিৰাপত্তা কৰ্মীসকলৰ কোভিড পৰীক্ষা সম্পন্ন কৰা হৈছিল। তাৰ পাছতেই আহে এই ভয়ানক খবৰ। সূত্ৰ অনুসৰি, সংক্ৰমিত লোকৰ সংখ্যা আৰু অধিক হ’ব পাৰে বুলি জানিব পৰা গৈছে।
উল্লেখ্য যে, ক’ভিডৰ বাবে ৰাজধানী দিল্লীত পৰিস্থিতি নিৰন্তৰ অৱনতি হৈ আছে। শনিবাৰে কোৰোনাত সংক্ৰমিত ৰোগীৰ সংখ্যা আছিল ২০,১৮১ জন হোৱাৰ বিপৰীতে যোৱা ২৪ ঘণ্টাত কোৰোনাৰ ফলত ৭ জন ৰোগীয়ে প্ৰাণ হেৰুৱাইছে।
