আফগানিস্তানক লৈ কোনো সংবাদ প্রকাশ নকৰিবলৈ নির্দেশ জম্মু–কাশ্মীৰৰ প্রশাসনৰ

কাশ্মীৰৰ মুছলমানসকলৰ বাবে কথা কোৱাৰ অধিকাৰ আছে বুলি তালিবানে দাবী কৰাৰ পিছতেই কঠোৰ হৈছে জম্মু–কাশ্মীৰৰ প্রশাসন৷ আফগানিস্তানক লৈ কোনোধৰণৰ সংবাদ বা লেখা–মেলা প্রকাশ নকৰিবলৈ নির্দেশ দিছে প্রশাসনে৷

বিশেষকৈ আফগানিস্তানৰ পৰিস্থিতিৰ যাতে কাশ্মীৰ উপত্যকাত কোনো ধৰণৰ প্রভাৱ নপৰে সেই সন্দর্ভত জম্মু–কাশ্মীৰ প্রশাসনে পূর্বৰে পৰা গুৰুত্ব প্রদান কৰি আহিছে৷

শেহতীয়াকৈ প্রশাসনে আফগানিস্তান আৰু তালিবানৰ খবৰ প্রকাশ কৰিলে কাকতসমূহক চৰকাৰী বিজ্ঞাপন নিদিয়ে বুলি সতর্কবাণী কৰি দিছে৷ আজি কাশ্মীৰৰ সংবাদ পত্রসমূহত আফগানিস্তানক লৈ কোনোধৰণৰ খবৰ প্রকাশ হোৱা নাই৷