দেশৰ ১০০ খন ডাটা স্মাৰ্ট চিটিৰ ভিতৰত শীৰ্ষ ১০ নং স্থান অধিকাৰ কৰিবলৈ সক্ষম হৈছে নাগালেণ্ডৰ ৰাজধানী চহৰ কোহিমাই।
শুক্ৰবাৰে নতুন দিল্লীত স্মাৰ্ট চিটি মিছন, ‘এ এম আৰ ইউ টি’ আৰু ‘পি এম এ ৱাই’ৰ ষষ্ঠ বাৰ্ষিকী উদযাপনৰ সময়ত দেশৰ ১০০ খন ডাটা স্মাৰ্ট চিটিৰ তালিকা উত্তৰ পূৰ্বাঞ্চলৰ পৰা এক মাত্ৰ কোহিমাই স্থান লাভ কৰিবলৈ সক্ষম হয়।
উল্লেখ্য যে, ২০১৯ চনৰ ফেব্ৰুৱাৰী মাহত স্মাৰ্ট চিটি মিছনে ‘ডাটা স্মাৰ্ট চিটি’ৰ ৰণনীতি আৰম্ভ কৰিছিল। যিয়ে দেশৰ ১০০ খন চহৰত কঠিন নগৰীয় প্ৰত্যাহ্বানৰ মোকাবিলা কৰিবলৈ তথ্য ব্যৱহাৰ কৰাৰ বাবে এক ৰোডমেপ হিচাপে কাম কৰে।
