দেশজুৰি খলকনিৰ সৃষ্টি কৰা বলিউডৰ নতুন চিনেমা কাশ্মীৰ ফাইলছৰ পৰিচালক বিবেক অগ্নিহোত্ৰীলৈ Y-category চিকিউৰিটী। এতিয়াৰ পৰা CRPFৰ নিৰাপত্তাৰক্ষীয়ে সুৰক্ষা দিব পৰিচালকগৰাকীক।
‘দ্য কাশ্মীৰ ফাইলছ’ৰ মুক্তিৰ পিছতেই তেখেতলৈ আহিব পৰা ভাবুকিৰ প্ৰতি লক্ষ্য ৰাখি গৃহ মন্ত্ৰালয়ে বিবেক অগ্নিহোত্ৰীক ‘Y-Category’ নিৰাপত্তা দিয়াৰ ব্য়ৱস্থা কৰে। এই নিৰাপত্তা বেষ্টনীত আঠজন বিষয়া-দুজন কমাণ্ডো আৰু আৰক্ষী বিষয়া থাকিব।
উল্লেখ্য যে, ১৯৯০ চনত কাশ্মীৰ উপত্যকাত কাশ্মীৰী পণ্ডিতসকলে সন্মুখীন হোৱা দুখ-কষ্ট, অত্যাচাৰৰ ওপৰত নিৰ্মাণ কৰা হৈছে ‘দ্য কাশ্মীৰ ফাইলছ’। এই ছবিখন মুকলিৰ পাছতেই বহুতেই ছবিখনৰ সপক্ষত কথা কৈছে যদিও বহুতেই এই গণহত্যা অথবা দেশত্যাগৰ ঘটনা একপক্ষীয় বুলি ঘোষণা কৰিছে।
