চুইমিং পুললৈ পৰিণত দিল্লী এয়াৰপ’ৰ্ট, চাওঁক ভিডিঅ’
৪৬ বছৰৰ পিছত ৰাজধানী চহৰখনত হোৱা অত্যাধিক পৰিমাণৰ বৰষুণৰ ফলত স্তব্ধ হৈ পৰিছে জনজীৱন
বানত ডুবিছে ৰাজধানী চহৰ দিল্লী। শনিবাৰে পুৱাৰ ভাগৰ পৰা দিল্লীত হৈ থকা মুষলধাৰ বৰষুণৰ ফলত হাহাকাৰ পৰিস্থিতিৰ সৃষ্টি হৈছে দিল্লীত।
চাওঁক, নেৰানেপেৰা বৰষুণৰ ফলত দিল্লী এয়াৰপ’ৰ্টত সৃষ্টি হোৱা কৃত্ৰিম বানৰ ভিডিঅ’ –
https://twitter.com/Ashoke_Raj/status/1436560109845446657
হঠাতে অহা ধাৰাষাৰ বৰষুণৰ বাবে কৃত্ৰিম বানে বুৰাই পেলায় ৰাজধানী চহৰ। এইবাৰ বাৰিষাত ১,১০০ মি.মি. বৰষুণৰ সৃষ্টি হৈছে। আনহাতে, ২০০৩ চনত দিল্লীত বৰষুণৰ পৰিমাণ আছিল ১,০৫০ মি.মি.।
উল্লেখযোগ্য যে, ১৯৭৫ চনৰ পিছত এইবাৰ বাৰিষাতহে দিল্লীত সৰ্বাধিক বৰষুণ হৈছে। ৪৬ বছৰৰ পিছত ৰাজধানী চহৰখনত হোৱা অত্যাধিক পৰিমাণৰ বৰষুণৰ ফলত স্তব্ধ হৈ পৰিছে জনজীৱন।