ভৰলুত গছ কঁটাক কেন্দ্ৰ কৰি সৃষ্টি হোৱা বিতৰ্কই পুনৰ ল’লে নতুন মোৰ । গছ কঁটাৰ ঘটনাৰ বিৰুদ্ধে দেৱালচিত্ৰৰ জৰিয়তে প্ৰতিবাদ সাব্যস্ত কৰা চিত্ৰশিল্পী মাৰ্শ্বেল বৰুৱা(Marshall Baruah)লৈ আদালতে চমন জাৰি কৰাৰ খবৰে ৰাজ্যজুৰি ব্যাপক প্ৰতিক্ৰিয়াৰ সৃষ্টি কৰিছে।
জানিব পৰা মতে, ভৰলু অঞ্চলত বৃহৎ পৰিসৰত গছ কঁটাৰ ঘটনাই জনসাধাৰণৰ মাজত উদ্বেগৰ সৃষ্টি কৰাৰ সময়তে মাৰ্শ্বেল বৰুৱাই পৰিবেশ সংৰক্ষণৰ সজাগতা বৃদ্ধি কৰাৰ উদ্দেশ্যে দেৱালচিত্ৰ অংকন কৰিছিল(wall painting protest Assam)। তেওঁৰ এই শিল্পকৰ্মই কেৱল গছ কঁটাৰ বিৰুদ্ধে প্ৰতিবাদৰ ভাষাই নহয়, প্ৰকৃতি আৰু পৰিবেশ সংৰক্ষণৰ প্ৰতি জনসচেতনতা বৃদ্ধিৰ এক শক্তিশালী মাধ্যম হিচাপেও বিশেষভাৱে দৃষ্টি আকৰ্ষণ কৰিছিল(Guwahati environmental issue)।
আদালতৰ নিৰ্দেশ অনুসৰি, অহা ২৫ জুনত মাৰ্শ্বেল বৰুৱাই আদালতত উপস্থিত থাকিব লাগিব। অৱশ্যে কোন বিশেষ অভিযোগ বা আইনী প্ৰক্ৰিয়াৰ ভিত্তিত এই চমন জাৰি কৰা হৈছে, সেই বিষয়ে এতিয়ালৈকে আনুষ্ঠানিকভাৱে বিস্তৃত তথ্য লাভ কৰা নাই(court summons to Marshall Baruah)।
ইফালে, চমন জাৰিৰ খবৰ প্ৰকাশ পোৱাৰ পিছৰে পৰা সামাজিক মাধ্যমত বিষয়টোক লৈ তীব্ৰ চৰ্চা আৰম্ভ হৈছে। বহু লোকে ইয়াক মত প্ৰকাশৰ স্বাধীনতা আৰু পৰিবেশ সজাগতাৰ সৈতে জড়িত বিষয় বুলি অভিহিত কৰিছে। আনহাতে, আইনী প্ৰক্ৰিয়াক সন্মান জনাই সম্পূৰ্ণ তথ্য প্ৰকাশ পোৱাৰ পিছতহে মন্তব্য কৰা উচিত বুলিও একাংশই মত প্ৰকাশ কৰিছে।
