Covid-19অসম

অতি সীঘ্ৰেই অসমলৈ আহিব ১০০ মেট্রিকটন অক্সিজেন

মুখ্যমন্ত্রী ড০ হিমন্ত বিশ্ব শর্মাই সোমবাৰে গুৱাহাটী মহানগৰীৰ সাউকুছিত থকা প্রিমিয়াৰ ক্রায়’জেনিক লিমিটেড অক্সিজেন প্লাণ্টটো পৰিদর্শন কৰি উৎপাদন ক্ষমতাৰ বুজ লয়৷ এতিয়া সেই ইউনিটটোৰ পৰা দৈনিক ১৪ মেট্রিকটন অক্সিজেন উৎপাদন হৈ আছে৷ ইয়াৰ দ্বাৰা ৰাজ্যখনত অক্সিজেনৰ উৎপাদন ক্ষমতা বৃদ্ধি পাইছে৷ প্লাণ্টটোৰ দ্বিতীয় ইউনিটটো কার্যক্ষম হৈ উঠিলে ৰাজ্যখনৰ অক্সিজেনৰ উৎপাদন ক্ষমতা আৰু অধিক বৃদ্ধি হ’ব৷ দ্বিতীয় ইউনিটটো অহা ১৫ দিনৰ ভিতৰত কার্যক্ষম হৈ উঠিব বুলি তেওঁ আশা প্রকাশ কৰে৷

মুখ্যমন্ত্রী ড০ শর্মাই কয় যে, সাউকুছিৰ প্লাণ্টটোৰ এটা ইউনিট কার্যক্ষম হোৱাৰ লগে লগে পূর্বে ৰাজ্যখনত উৎপাদন হোৱা ৬৮–৬৯ মেট্রিকটন অক্সিজেন পৰিমাণ ৮০ মেট্রিকটনলৈ বৃদ্ধি পালে৷ মুখ্যমন্ত্রীগৰাকীয়ে লগতে কয় যে, বর্তমান অসমত দৈনিক ৭০ মেট্রিকটন অক্সিজেনৰ প্রয়োজন৷ ইয়াৰ বিপৰীতে ৰাজ্যখনে দৈনিক ৮০ মেট্রিকটন অক্সিজেন উৎপাদন কৰি আহিছে৷ চুবুৰীয়া ৰাজ্য অৰুণাচল প্রদেশ, নাগালেণ্ড, মণিপুৰ, মেঘালয়, মিজোৰামক অসমে কম–বেছি পৰিমাণে অক্সিজেন যোগান ধৰি আহিছে৷ তদুপৰি ভাৰত চৰকাৰে দুর্গাপুৰৰ পৰা ১০০ মেট্রিকটন অক্সিজেন অসমক অনুমোদন দিছে৷ অচিৰে ৰে’লৱেৰ টেংকাৰযোগে সেই অক্সিজেন অসম পাব বুলি তেওঁ আশা প্রকাশ কৰিছে৷

সম্পৰ্কিত প্ৰবন্ধসমূহ

প্ৰত্যুত্তৰ দিয়ক

আপোনৰ ইমেইল ঠিকনা প্ৰকাশ কৰা নহ'ব । প্ৰয়োজনীয় ক্ষেত্ৰসমূহত *এৰে চিন দিয়া হৈছে

3 × two =

Back to top button